ڕۆژنامەنووسێک لەناو جەرگەی شاری بەغدا کوژرا

ئاڤا نیوز

ئێوارەی ئەمڕۆ ڕۆژنامەنووسێکی ئاژانسی هەواڵی عێراق لە ناوچەی عەڕەساتی شاری بەغدا دەستڕێژی گوللەی لێ کرا و کوژرا.

لە پەیامنێرەوە: بەپێی ئەو زانیارییانەی دەست دەرون مەلا ناجی، پەیامنێری ئاڤا میدیا کەوتووە، لەیس محەممەد ڕەزا، ڕۆژنامەنووسی ئاژانسی هەواڵی عێراقی بەهۆی شەڕ و دەمەقاڵێوە لەگەڵ پاسەوانی بەرپرسێک لە ناوچەی عەڕەساتی شاری بەغدا دەستڕێژی گوللەی لێ کراوە و دەستبەجی گیانی لەدەست داوە.

زانیاریی زیاتر: تاوەکو ئێستا لایەنی پەیوەندیدار هیچ لێدوان و ڕاگەیێنراوێکی فەرمی سەبارەت بەم ڕووداوە و ناسنامەی تۆمەتبارەکە بڵاو نەکردووەتەوە.