لە شارێکی ڕۆژئاوای کوردستان مریشک نامێنێت

ئاڤا نیوز

لەگەڵ نزیکبوونەوەی مانگی ڕەمەزان، بۆ دەیەمین رۆژی لەسەریەک، مریشکی زیندوو لە بازاڕەکانی شاری گەرکێ لەکێ، لە رۆژهەڵاتی قامشلۆی ڕۆژئاوای کوردستان نەماوە.

چیرۆکی سەرەکی: لە مانگی تشرینی یەکەمی ساڵی ڕابردوودا، ئیدارەی خۆبەڕێوەبەری ڕۆژئاوای کوردستان، نرخی مریشکی زیندووی لە ناوچەی جەزیرە بە 26 هەزار لیرە دیاریکرد، بەجۆرێک کە نرخەکە سەربڕین و پاککردن و هەڵکڕوزانیشی لەخۆ بگرێت.

ئەوەی پێویستە بیزانیت: میدیاکانی ڕۆژئاوای کوردستان بڵاویانکردووەتەوە، هۆکاری نەمانی مریشک دەگەڕێتەوە بۆ ناکۆکی لەسەر نرخ لە نێوان لیژنەی دابینکردن و بازرگانەکان، ئەو ناکۆکییەش بۆ ماوەی زیاتر لە 10 ڕۆژ مریشکی لە بازاڕی شارەکە نەهێشتووە، دوای ئەوەی پێشتر کیلۆیەک بە 28 هەزار لیرەی سووری دەفرۆشرا.

زانیاریی زیاتر: هۆکاری نەمانی مریشک لە بازاڕەکاندا دەگەڕێتەوە بۆ نزیکبوونەوەی مانگی ڕەمەزان، بەو پێیەی بازرگانان مەیلیان بۆ قۆرخکردنی بازاڕ لە مانگی ڕەمەزاندا زیاد دەکات، بۆ ئەوەی بە نرخێکی گرانتر بیفرۆشنەوە، بەمەبەستی زیادکردنی خواست لەسەریان لە مانگی رەمەزاندا.میدیاکانی ڕۆژئاوای کوردستان وادەڵێن.