پاپا فرانسیس داوای ڕاگرتنی هێرشەکانی سەر غەززە دەکات

ئاڤا نیوز

 

پاپای ڤاتیکان دوای باشتربوونی دۆخی تەندروستی و بەجێهێشتنی نەخۆشانە، داوای ڕاگرتنی دەستبەجێی بۆردوومانەکانی ئیسرائیل بۆ سەر غەززە دەکات.

 

وێنە گەورەکە: ڕۆژی 23-3-2025، پاپا فڕانسیس، پاپای ڤاتیکان دوای مانەوەی بۆ نزیکەی 40 ڕۆژ لە نەخۆشخانە بەهۆی نەخۆشی هەوکردنی سییەکان، ئەمڕۆ یەکشەممە دوای باشتربوونی دۆخی تەندروستی، پزیشکەکان ڕێگەیان پێدا نەخۆشخانە بەجێبهێڵێت.

 

لێدوانی فەرمی: پاپا فرانسیس، پاپای ڤاتیکان ڕایگەیاند، دڵگرانم بە دەستپێکردنەوەی هێرشەکانی ئیسرائیل بۆ سەر کەرتی غەززە کە بووتە هۆی کوژران و برینداربوونی هاووڵاتییەکی زۆر، دەبێت دەستبەجێ بۆردوومانەکانی ئیسرائیل ڕابگیرێن و دانووستاندنەکانی ئاگربەست و ئازادکردنی بارمتەکان دەستپێبکەنەوە''. 

زانیاریی زیاتر: "دۆخی مرۆیی کەرتی غەززە زۆر خراپە و پێویستە سەرجەم لایەنە ناکۆکەکان پابەندی یاسا نێودەوڵەتییەکان بن". پاپا فرانسیس، پاپای ڤاتیکان وادەڵێت.

 

لەلایەکی دیکە: دوای دەستپێکردنەوەی هێرشەکانی ئیسرائیل بۆ سەر کەرتی غەززە و کوژران و برینداربوونی هەزاران کەس لەو هێرشانە، کاردانەوەی نێودەوڵەتی لێکەوتەوە و کۆمەڵگەی نێودەوڵەتی داوای ڕاگرتنی ئەو هێرشانە دەکەن.

 

بە تەنیشت ئەم بابەتەوە: دوای دەرچوونی پاپای ڤاتیکان لە نەخۆشخانە، پزیشکەکانی دەڵێن، دڵخۆشن بە گەڕانەوەی پاپا بۆ ماڵەکەی و پێویستی بە مانەوە لە ماڵەوە هەیە، چونکە تا ئێستا بە تەواوی چاک نەبۆتەوە، تەنیا دۆخی تەندروستی جێگیرە.