لە عێراق زەنگی مەترسی وشکەساڵی لێدەدرێت

ئاڤا نیوز

 

وه‌زیری سه‌رچاوه‌كانی ئاوی عێراق زەنگی مەترسی وشکەساڵی لێدەدا و دەڵێت" ئه‌مساڵ ‌ به‌راورد به‌ ساڵانی ڕابردوو، ئەگەری وشكه‌ساڵی زیاترە".

 

وێنە گەورەکە: گۆڕانکارییە خێراکانی ژینگە لە جیهاندا کاریگەرییان لەسەر عێراق و ناوچەکە دروستکردووە، بەوهۆیەوە بەبیابانبوون لە چەندین ناوچە دەرکەوتووە و بووەتە هەڕەشەیەکی بەردەوام.

 

لێدوانی فەرمی: عەون زیاب، وەزیری سەرچاوەکانی ئاوی عێراق ڕایگه‌یاند: ئه‌مساڵ ڕێژەی بارانبارین بەراورد بە ساڵانی ڕابردوو، زۆر کەمبووە بۆیە ئەگەری وشكه‌ساڵی زیاترە.‌ 

 

زانیاریی زیاتر: وەزیری سەرچاوەکانی ئاوی عێراق ئاماژه‌ی به‌وه‌شكرد، بۆ كه‌مكردنه‌وه‌ی به‌كارهێنانی ئاو لەبواری کشتوکاڵیدا پێویستە شێوازی ئاودێری بگۆڕدرێت، بۆ ئەمەش هاوكارییه‌كی به‌رچاو له‌گه‌ڵ وه‌زاره‌تی كشتوكاڵ هه‌یه‌ و ئامێری ئاودێری مۆدێرن هاورده‌كراوە.

 

ئەمەش بزانە: قه‌یرانی وشكه‌ساڵی لە عێراق‌ بووه‌ته‌ هۆی له‌ناوچوونی بەشێکی زۆری سامانی ئاژه‌ڵ و ماسی، بەتایبەتی لە ناوچەکانی باشووری عێراق و زۆنگاوەکان.