نرخی تەماتە لە بازاڕەکاندا دادەبەزێت

ئاڤا نیوز

دوای ئەوەی لە چەند ڕۆژی ڕابردوو نرخی تەماتە لە هەرێمی کوردستان بەرزبووەوە، بەڵام دوێنێ نرخەکەی هەرزان بوو و هەر کیلۆیەک تەماتە 600 دینار لەچاو ڕۆژانی ڕابردوو دابەزی.

چیرۆکی سەرەکی: چەند ڕۆژێك پێش ئێستا نرخی تەماتە لە گومرگ و بازاڕەکانی هەرێمی کوردستان بەرزبووەوە و نرخی كیلۆیەكی گەیشتبووە هەزار و 500 بۆ دوو هەزار دینار، بەڵام دوێنێ نرخەکەی دابەزی.

لێدوانی فەرمی: پێشتر لەبارەی گرانبوونی نرخی تەماتە هێمن سەید موراد، بەڕێوەبەری کشتوکاڵی هەولێر بە ئاڤای وتبوو، "ماوەی هەفتەیەکە نووسراومان بۆ وەزارەتی کشتوکاڵ کردووە بۆ هەڵگرتنی قەدەغەی تەماتە بۆ ئەوەی هاوردە بکرێت، بەڵام هێشتا وەڵامیان نەبووە، بەڵێن دەدەین لەماوەیەکی نزیکدا نرخی تەماتە دابەزێنین".

- دوێنێ هێمن خۆی پەیوەندیی بە ئاڤا میدیاوە کرد و وتی: خۆشبەختانە نرخی تەماتە لە گومرگەکان بەراورد بە چەند ڕۆژی ڕابردوو هەر کیلۆیەکی 600 دینار دابەزیوە، پێشبینی دەکرێ زیاتریش دابەزێت.