ئەنجوومەنی وەزیران 600 ملیۆن دینار بۆ هەڵەبجە تەرخان دەکات

 

ئاڤا نیوز

ئەنجومەنی وەزیرانی هەرێمی کوردستان ڕەزامەندی دا بە تەرخانکردنی 600 ملیۆن دینار بەمەبەستی جێبەجێکردنی ماستەر پلانی مۆنۆمێنتی نوێی یادگاری هەڵەبجە.

نووسراوی فەرمی: بەپێی نووسراوێکی فەرمی لە دیوانی ئەنجوومەنی وەزیرانی هەرێمی کوردستان، بڕیاردراوە 600 ملیۆن دینار بۆ پڕۆژەی مۆنۆمێنتی یادگاریی هەڵەبجەی شەهید تەرخان بکرێت.

لە نووسراوەکەدا، کە ژمارە 3596ـی لە سەرە و لە 16ـی  3ـی ساڵی 2025 دەرچووە، ئاماژە بەوە دراوە کە ئەم بڕە پارەیە بۆ پڕۆژەیەکی گرنگی نیشتمانی و بیرهێنانەوەی قوربانیانی کارەساتی هەڵەبجە تەرخان دەکرێت.

زانیاریی زیاتر: لە نووسراوەکەدا جەخت کراوەتەوە لەسەر گرنگیی ئەم پڕۆژەیە بۆ پاراستنی بیرەوەریی مێژوویی و نیشتمانیی هەڵەبجەی شەهید.

ئەمەش بزانە: پڕۆژەکە لەلایەن دەزگای بەدواداچوونی پڕۆژەکانی دیوانی ئەنجوومەنی وەزیران بە وردی شرۆڤە کراوە و پەسەند کراوە.