هەرێمی کوردستان 46 زیندانیکراو ڕادەستی ئێران دەکاتەوە

ئاڤا نیوز

 

هەرێمی کوردستان بە ئاگاداریی حکومەتی فیدراڵی، لە چوارچێوەی ڕێککەوتنێکی نێوان تاران و بەغدا، 46 زیندانیکراو ڕادەستی ئێران دەکاتەوە. 

 

وێنە گەورەکە: لە چوارچێوەی ڕێککەوتنی نێوان ئیران و عێراق، بۆ ڕادەستکردنەوەی تاوانباران کە هەرێمی کوردستانیش بەشدارە لەم ڕێککەوتنە، بڕیارە لە ڕۆژانی پێنجشەممە و هەینی 46 زیندانیکراوی ئێرانی لە کوردستانەوە ڕادەستی ئێران دەکرێنەوە. 

 

زانیاریی بەدەستهاتوو: بەشێک لە میدیاکانی ئێران بڵاویانکردووەتەوە، لە میانەی چەند کۆبوونەوەیەک لەگەڵ بەرپرسانی هەرێمی کوردستان، بە ڕەزامەندی سەرۆکوەزیرانی هەرێمی کوردستان و سەرۆکی هەرێمی کوردستان بڕیارە لە ڕۆژانی پێنجشەممە و هەینی، 46 زیندانی ئێرانی کە لە بەندیخانە جیاجیاکانی کوردستانن بگوازرێنەوە بۆ ئێران.

 

زانیاریی زیاتر: بە گوێرەی زانیارییەکان، زیندانیکراوان لە سنووری تەمەرچین و باشماخەوە ڕادەستی ئێران دەکرێنەوە، بەشێک لەو زیندانیکراوانە لێخۆشبوونیان هەیە لە کوردستانەوە و لەگەڵ گەیشتنەوەیان بە خاکی ئێران ئازاد دەکرێن. 

 

باکگراوند: لەسەرەتای مانگی شوبات، 15  زیندانیکراو لە گرتووخانەی چاکسازیی گەورانی سلێمانی کە هاووڵاتی ڕۆژهەڵاتی کوردستان بوون دوای مانگرتنیان لە خواردن دوای گواستنەوەیان دەکرد بۆ گرتووخانەکانی ئێران.