شارەوانیی هەولێر ڕێكاری پێویست بۆ مەترسیی ئاگركەوتنەوە دەگرێتەبەر

ئاڤا نیوز

 

شارەوانیی هەولێر بۆ دووركەوتنەوە لە مەترسی ئاگركەوتنەوە، پەردەی بەردەم دووكان و شوێنە بازرگانییەكان قەدەغە دەكات.

 

چیرۆكی سەرەكی: تیمەكانی سەر بە بەڕێوەبەرایەتیی شارەوانی هەولێر بەهاوكاری لەگەڵ پۆلیسی شارەوانی، هەڵدەستن بە ڕێكخستنەوەی بازاڕی لەنگەی كۆن و لابردنی پەردەی دوكاندارەكان و نەهێشتنی زێدەڕۆیی لە بازاڕەكە.

 

ڕاگەیێنراوی فەرمی: سەرۆكایەتی شارەوانیی هەولێر بڵاویكردووەتەوە، دوای سەردان و بەدواداچوونی سەرۆكی شارەوانیی هەولێر بۆ بازاڕی لەنگەی، تیمەكانی شارەوانیی چوار، دەستیانكرد بە ڕێكخستنەوەی بازاڕی لەنگەی كۆن و لابردنی پەردەی دوكاندارەكان، هاوكات دوكاندارەكان ئاگاداركرانەوە لە بەجێنەهێشتنی شتومەك لە دەرەوە لەكاتی داخستنی بازاڕەكە و بردنە ژوورەوەیان لەكاتی شەودا.

 

بۆچی گرنگە: ئەو هەڵمەتەی شارەوانیی هەولێر لەپێناو سەلامەتی و بەرژەوەندیی گشتی كاسبكارانە بۆ دووركەوتنەوە لە مەترسی كەوتنەوەی ئاگر لە وەرزی گەرمای هاویندا، بەتایبەت كە لەماوەی ڕابردوو بازاڕەكە چەند جارێك بەهۆكاری جۆراوجۆر سووتا.