فایلی خەڵک؛ دانیشتووانی گەڕەکی کەلەکنی سلێمانی بەدەست نەبوونی خزمەتگوزارییەوە داناڵێنن

ئاڤا نیوز

گەڕەکی کەلەکن لە سلێمانی، لە سەرەتایترین خزمەتگوزارییەکان بێبەشن و بە گوتەی دانیشتووانەکەی چەندینجار سەردانی لایەنی پەیوەندیداریان کردووە، بەلام وەڵام نەدراونەتەوە، جێگری پارێزگاری سلێمانیش بەڵێنی چارەسەرکردنی کێشەکانیان دەدات.

چیرۆکی سەرەکی: دانیشتووانی گەڕەکی کەلەکنی سلێمانی گلەییان لە نەبوونی خزمەتگوزاری هەیە، و دەڵێن نە شەقام و ئاوەرۆ نە نەخۆشخانەمان هەیە، لەگەڵ ئەوەشدا لەوەرزی هاوین بۆنی ناخۆش و مێش و مەگەز هەراسانی کردوون.

لێدوانی فەرمی: عەبدوڵڵا ئەحمەد، دانیشتووی گەڕەکی کەلەکن قسەی بۆ ئاڤا میدیا کردووە و دەڵێت، چەند جارێک سەردانی لایەنی پەیوەندیدارمان کردوە وەڵامیان نەداوینەتەوە. 

زانیاریی پەیامنێر: چۆمان مەحموود پەیامنێری ئاڤا میدیا بەدواداچوونی بۆ کێشەی ئەو گەڕەکە کردووە و سەردانی شاهۆ عوسمان، جێگری پارێزگاری سلێمانی کرد، ئەویش بەلێنی دا گرفتی خزمەتگوزاری لەناوچەکەدا چارەسەر بکات، گوتی پرۆژە خزمەتگوزارییەکان دەستپێدەکاتەوە و گەشبینن بەوەی حکومەتی هەرێم لەگەڵ حکومەتی فیدراڵ لە ڕێککەوتندان، ئەمەش وادەکات پرۆژە خزمەتگوزارییەکان دەستپێبکەنەوە .