ناوی 494 فەرمانبەری سنووری ئیدارەی ڕاپەڕین بۆ پێدانی زەوی دەرچوو

ئاڤا نیوز

494 فەرمانبەری سنووری ئیدارەی ڕاپەڕین ڕەزامەندیی پێدانی زەوییان لەلایەن ئەنجوومەنی وەزیران بۆ دەرچوو.

وێنە گەورەکە: پێدانی زەوی بە فەرمانبەرانی تەواوی ناوچەکانی هەرێمی کوردستان بەردەوامە، ئەمەش پاش ئەو بڕیارەی سەرۆک وەزیران مەسرور بارزانی کە ساڵی ڕابردوو لە کۆبوونەوەی ئەنجومەنی وەزیران بڕیاری لەسەردا.

لێدوانی فەرمی: شاڵاو حەسەن، ئەندامی لیژنەی دابەشکردنی زەوی لە بەڕێوبەرایەتیی گشتیی ئیدارەی ڕاپەڕین بە ئاڤا نیوزی ڕاگەیاند، " لەدوای بەڕێکردنی ناوی نزیکەی 1500 فەرمانبەری شایستەی سنووری بەڕێوبەرایەتیی گشتیی تەندروستیی ڕاپەڕین، لە قۆناغی یەکەمدا ناوی 494 فەرمانبەری بەڕێوبەرایەتیەکەمان گەڕاوەتەوە، کە لەلایەن ئەنجوومەنی وەزیرانەوە بڕیاری پێدانی زەویان بۆ دەرچووە.

 

زانیاریی زیاتر: "چاوەروانی گەڕانەوەی ناوی تەواوی ئەو فەرمانبەرە شایستە بە زەویانە دەکەین کە لەکاتی خۆیدا ناردوویانە، وە لەگەڵیشیدا چاوەڕوانی شارەوانیەکانی سنوورەکە دەکەن کە شوێنی پێدانی زەویان بۆ دەستنیشان بکات".

لەلایەکی دیکە: جگە لەو ناوە نوێیەی بەرێوبەرایەتیی گشتیی تەندروستیی ڕاپەڕین، تائێستا ناوی 10 هەزار فەرمانبەری سنووری ئیدارەی ڕاپەڕین بۆ پێدانی زەوی گەڕاوەتەوە.