پێنج کەس لە سنووری پێنجوێن بەرمین دەکەون و یەکێکیان قاچێکی دەپەڕێت

ئاڤا نیوز

 

پێنج هاونیشتمانی لە سنووری قەزای پێنجوێن مین پێیادا دەتەقێتەوە و قایمقامی قەزاکەش لەوبارەیەوە دەڵێت، "یەکێکیان قاچێکی لەدەستداوە".

 

چیرۆکی سەرەکی: پێنج کەس کە دانیشتووی سنووری شارەزوورن، بۆ کۆکردنەوەی گیای بەهارە چوونەتە دەڤەری میشیاو لە سنووری قەزای پێنجوێن، بەڵام مین پێیاندا دەتەقێتەوە و بەوهۆیەوە یەکێکیان قاچێکی دەپەڕێت.

 

لێدوانی فەرمی: هێمن ئیبراهیم، قایمقامی پێنجوێن بە ئاڤا میدیای ڕاگەیاند: کاتژمێر 09:30ی سەرلەبەیانیی ئەمڕۆ سێشەممە ڕووداوەکە ڕوویداوە،، کەسێک بەناوی 'ڕەئوف عەبدولکەریم ساڵح' قاچێکی لەدەست داوە.

 

زانیاریی زیاتر: بریندارەکە بۆ نەخۆشخانە لە سلێمانی گواستراوەتەوە، بڕیارە ئەمشەو نەشتەرگەری بۆ بکرێت.

 

زانیاریی تایبەت: ڕەئوف عەبدولکەریم کە لەم ڕووداوەدا بریندار بووە، ماوەی چوار ساڵە بۆ دابینکردنی بژێوی ژیانی خێزانەکەی، دەستی داوەتە کۆکردنەوەی گیای بەهارە.