بەهۆی هەڵاتنی تۆمەتبارێک چەند پۆلیسێک لە هەڵەبجە دەستگیر دەکرێن

ئاڤا نیوز

ئەمڕۆ سێشەممە کەسێک بە تۆمەتی ڕاوکردن لەکاتی لێکۆلینەوە لە بنکەی پۆلیسی دارستان و ژینگەی هەڵەبجە ڕادەکات، بەو هۆیەوە چەند پۆلیسێک دەستگیر دەکرێن.

لێدوانی فەرمی: نەقیب فەرمان، وتەبێژی پۆلیسی دارستان و ژینگەی سلێمانی، بە ئاڤا میدیای ڕاگەیاند، تۆمەتبارێک لەکاتی لێکۆلینەوە لەدەست پۆلیس ڕادەکات و بەو هۆیەوە حەوت پۆلیسی دارستان و ژینگە دەستگیر کراون، لێکۆلینەوە بەردەوامە بۆ دەستگیر کردنی تۆمەتبارەکە.

زانیاریی زیاتر: تۆمەتبارەکە بە تاوانی ڕاوە کەو دەستگیرکرابوو، خەڵکی تەوێلەیە و تائێستا دەستگیر نەکراوەتەوە.