بەڕێوەبەرایەتیی هاتووچۆی هەڵەبجە ئاگاداری تازە دامەزراوان دەکاتەوە

ئاڤا نیوز

 

بەڕێوەبەرایەتیی هاتووچۆی هەڵەبجە  ئاگاداری ئەو کەسانە دەکاتەوە کە ناویان وەک دامەزراوی گرێبەست گەڕاوەتەوە، سەردانی بەڕێوەبەرایەتییەکەیان بکەن.

 

چیرۆکی سەرەکی: لە ماوەی ڕابردوودا ئەنجوومەنى ڕاژەى گشتیى تەواوبوونى ڕێکارەکانى دامەزراندنى 500 کەسی بە شێوەى گرێبەست بۆ فەرمانگەکانى سنوورى پارێزگاى هەڵەبجە ڕاگەیاند و بەشێک لەو کەسانەش لە بەڕێوەبەرایەتیی هاتووچۆی هەڵەبجە دامەزراون.

 

ڕاگەیێنراوی فەرمی: بەڕێوەبەرایەتیی هاتووچۆی هەڵەبجە ڕاگەیاند، ئاگاداری ئەو هاوڵاتییانە دەکەینەوە کە وەك دامەزراوی گرێبەست ناویان لە بەڕێوەبەرایەتییان گەڕاوەتەوە، پێویستە ڕۆژی پێنجشەممە 10-4-2025، کاتژمێر نۆی سەرلەبەیانی، لە بینای بەڕێوەبەرایەتیی هاتووچۆی هەڵەبجە ئامادەبن.

 

زانیاریی زیاتر: بانگهێشتکردنی ئەو کەسانە، بۆ کاروباری دۆسییەکانیانە، هەر کەسێک لە وادەی دیاریکراودا ئامادەنەبێت، خۆی بەرپرسیارە.

 

ئەوەی پێویستە بیزانیت: دوای دامەزراندنی 500 کەس بەشێوەی گرێبەست بۆ فەرمانگەکانی سنووری پارێزگای هەڵەبجە، 48 کەسیان کەسوکارى پلەیەکى شەهیدان و ئەنفالکراوەکانن و لە سیستمى خاڵبەنديى گشتى خاڵى تایبەتیان بۆ دیارى کرابوو، هاوکات ڕەچاوى یاساى ماف و ئیمتیازاتى کەمئەندام و خاوەنپێداویستيى تایبەت، بە تەرخانکردنى ڕێژەى 5% لە تێکڕاى وەزیفەکان بۆ توێژى ئاماژەپێدراو، بەو هۆیەشەوە 25 کەس خاوەنپێداویستيى تایبەتن و بە سیستمى کۆتا دەرچوون.