فایلی خەڵک؛ دانیشتوانی گەڕەکێکی سلێمانی کێشەی کەمیی خزمەتگوزارییان هەیە

ئاڤا نیوز

لە سلێمانی دانیشتوانی گەڕەکی تاڤگە لە ناوچەی 106 داوا لە ئاڤا میدیا دەکەن دەنگیان بگەیێنن کە کۆمەڵێک کێشەی خزمەگوزارییان هەیە.

لێدوانی فەرمی: ڕێبوار کەریم، دانیشتوی گەڕەکی تاڤگەیە دەڵێ، "کێشەی زۆری خزمەتگوزاریمان هەیە، تەنانەت تۆڕی ئاوی خواردنەوەمان نییە، حەفتەی جارێک بەتەنکەر ئاومان بۆ دێنن".

- بەهۆی نەبوونی تۆڕی ئاو، خەڵک وردە وردە گەڕەکەکە چۆڵ دەکات و خانووەکانیشیان هەرزانفرۆش دەکەن.

لەلایەکی دیکەوە: زەردەشت ڕەفیق، وتەبێژی شارەوانی سلێمانی لە ڕێگەی ئاڤا میدیاوە بەڵێن بە دانیشتوانی گەڕەکی تاڤگە دەدات کە لە نزیکترین کاتدا خزمەتگوزاری پێویست دەگەیێننە گەڕەکەکە.

- بەڵێن دەدات لە مانگی داهاتوودا دەست پێ دەکەن، لە ڕابردووشدا بەهۆی کەمی بودجەوە خزمەتگوزارییان بۆ ئەو گەڕەکە جێبەجێ نەکردووە.