کات و شوێنی کۆبوونەوەی شاندی ئیمرالی و ئەردۆغان دیاریکرا

ئاڤا نیوز

بۆ گفتوگۆکردن لەسەر پرۆسەی ئاشتی لە تورکیا، ئەمڕۆ پێنجشەممە شاندی ئیمرالی لەگەڵ سەرۆککوماری تورکیا کۆدەبێتەوە، چاوەڕوان دەکرێت دوای کۆبوونەوەکە لە ماوەیەکی نزیکدا پڕۆسەی ئاشتی بچێتە بواری جێبەجێکردنەوە.

چیرۆکی سەرەکی: بریاروایە، ئەمڕۆ کاتژمێر 1.30ـی دوای نیوەڕۆ، شاندی ئیمرالی لەگەڵ ڕەجەب تەیب ئەردۆغان، سەرۆککۆماری تورکیا لە کۆشکی کۆماری لە بێشتەپە کۆببنەوە، تاوەکو ئێستا ئەوەی یەکلایی بووەتەوە،  پەروین بوڵدان و سڕەی سورەیا ئۆندار، کە سەرۆکانی شاندی ئیمرالین لە کۆبوونەوەکە بەشدار دەبن.

لێدوانی فەرمی: دوێنی ئەردۆغان ڕایگەیاند، رۆژی پێنج شەممە پێشوازی لە شاندی ئیمرالی دەکەم.

زانیاریی زیاتر: هەموو چاوەکان لەسەر ئەنجامی ئەم کۆبوونەوەیەیە، لەبەر ئەوەی یەکەمجارە ئەردۆغان پێشوازی لەو شاندە بکات، دانانی نەخشەڕێگەی پڕۆسەی ئاشتی و خستنە بواری جێبەجێکردنی لەلایەن سەرۆککۆماری تورکیا یەکلایی دەکرێتەوە، چاوەڕێ دەکرێت دوای ئەم کۆبوونەوەیە لە ماوەیەکی کورتدا خاڵی کۆتایی بۆ پرۆسەی ئاشتی دابنرێت.