لە 60%ـی کارەکانی شەقامی 100 مەتری سلێمانی تەواو کراوە

ئاڤا نیوز

کارکردن لە شەقامی 100 مەتری سلێمانی بەردەوامە و بڕیارە لە  ساڵی نوێ قۆناغی یەکەمی شەقامەکە تەواو بێت.

چیرۆکی سەرەکی: شەقامی 100 مەتری سلێمانی کە بە "ئۆتۆبانی بابان" ناسراوە لە 2020-07-11، بەردی بناغەی دانراوە، گوژمەی پڕۆژەکە 400 ملیار دینارە و بڕیار بوو لە ‌ماوە‌ی هەزار و 100 ڕۆژ واتە تاوەکو 2023-08-30، تەواو بکرێت، بەڵام بەهۆی دروستبوونی چەند ئاستەنگێک کارەکانی دواکەوت، لەئێستادا کارکردن لەو شەقامە بەردەوامە.

لێدوانی فەرمی: سەردەشت رەفیق، وتەبێژی شارەوانیی سلێمانی، بە ئاڤا میدیای ڕاگەیاند، شەقامی 100 مەتری سلێمانی کارکردن تێیدا بەردەوامە و بەشی زۆری کارەکانی گەیشتونەتە کۆتایی، بەپێی ئەو پلانەی کە دانراوە لە لایەن کۆمپانیای جێبەجێکار، ساڵی 2026 قۆناغی یەکەمی شەقامەکە کە 32 کیلۆمەترە تەواو دەکرێت.

زانیاریی زیاتر: بە گوتەی وتەبێژی شارەوانیی سلێمانی ئەوەی ئێستا تەواو کراوە 15 کیلۆمەتری دووچین قیرکراوە کاردەکەن بۆ چینی سێیەمی، لە کۆی 69 قەنتەرە 67 قەنتەرە تەواو بووە، پێنج ئەندەرپاس کارەکانی کۆتایی هاتووە، یەک ئۆڤەرلاندی هەیە تەواو بووە، دوو پردی پەپولەی هەیە یەکێکیان دەکەوێتە سەر شەقامی عەربەت- سلێمانی، یەکێکی دیکەیان دەکەوێتە سەر شەقامی قەرەداغ کاردکردن تیایدا بەردەوامە.

ئەوەی پێویستە بیزانیت: کارەکانی شەقامی 100 مەتری لە 60%ـی تەواو بووە، کارکردن تێیدا بەردەوامە.