شەرع نامەیەک بۆ ترەمپ دەنێرێت

ئاڤا نیوز

 

ئەحمەد شەرع، سەرۆککۆماری سووریا بۆ قۆناغی ڕاگوزەر نامەیەک لە ڕێگەی ئەندامێکی کۆنگرێسی ئەمریکا بۆ  سەرۆکی ئەمریکا دەنێرێت.

 

وێنە گەورەکە: ڕۆژی 20-4-2025، کۆنگرێسمانێکی ئەمریکی سەردانی دیمەشقی کرد و لەگەڵ ئەحمەد شەرع، سەرۆکی سووریا بۆ قۆناغی ڕاگوزەر کۆبووەوە و تاوتوێی پرسە هەنووکەییەکانی ناوچەکەیان کرد.

 

لێدوانی فەرمی: کوری میڵز، ئەندامی کۆنگرێسی ئەمەریکا ڕایگەیاند، لە سەردانەکەی هەفتەی ڕابردوودا لەگەڵ ئەحمەد شەرع، گفتوگۆیان  سەبارەت بە هەڵگرتنی سزا ئابوورییەکان و ئاشتی لەنێوان سوریا و ئیسرائیل کردووە.

 

زانیاریی زیاتر: هاوکات ئەو  کۆنگرێسمانە ئەمریکییە بە میدیاکانی   گوت،  ئەحمەد شەرع نامەیەکی بۆ دۆناڵد ترەمپ، سەرۆکی ئمریکا ناردووە. بەڵام  کۆنگرێسمانەکە هیچ وردەکارییەکی لەبارەی ناوەڕۆکی نامەکە ئاشکرا نەکردووە.

 

ئەوەی پێشبینی دەکرێت: پێشبینی دەکرێت شەرع لە نامەکەیدا داوای هەڵگرتنی سزا نێودەوڵەتییەکان لە سەرۆکی ئەمریکا بکات کە پێشتر لەلایەن وڵاتانەوە بەسەر حکومەتی دەسەڵاتی بەشار ئەسەدا سەپێنردابوون.