چەند پەیامێک لە نێچیرڤان بارزانییەوە بۆ ئافرەتان و کادیرانی پارتی

ئاڤا نیوز

 

نێچیرڤان بارزانی، جێگری سەرۆکی پارتی دیموکراتی کوردستان ڕایگەیاند، هەبوونی ئافرەت لە ئۆرگانەکانی پارتیدا پێویست و گرنگییەکی تایبەتی پێدەدەین، کۆمەڵگەکەمان بە بەشدارییەکی دادپەروەرانە بەرەوپێش دەچێت. 

 

وێنە گەورەکە: پارتی دیموکراتی کوردستان بەمەبەستی پێگەیاندنی کادیران و ئاشناکردنیان بە گۆڕانکارییەکان لە ڕووی سیاسیی، ئابووری و کۆمەڵایەتی بۆ ئەوەی باشترین ڕایەڵە لەگەڵ جەماوەر دروست بکەن، پەیام و ئایدیای حیزب بە جەماوەر بگەیێنن، 100 قوتابی لە پلەی کارگێڕی ناوچەکانی پارتی دیموکراتی کوردستان بەشداری خولی پەیمانگەی کادیران دەکەن.

 

زانیاریی زیاتر: ڕۆژی 29-4-2025، بە ئامادەبوونی نێچیرڤان بارزانی و مەسرور بارزانی جێگرانی سەرۆکی پارتی دیموکراتی کوردستان، ڕێوڕەسمی 20مین خولی پەیمانگای پێگەیاندنی کادیران پارتی کرا، هاوکات هەردوو لە جێگران پەیامی تایبەتیان بۆ ئافرەتان کادیران نارد. 

 

لێدوانی فەرمی: نێچیرڤان بارزانی، جێگری سەرۆکی پارتی دیموکراتی کوردستان، ڕایگەیاند: خولی پێگەیاندنی کادیران بۆ چەسپاندنی گیانی یەکگرتوویی و یەکڕیزییە، دەبێت کادیری پارتی بەرگریی لە ناسنامەی کوردستانیان بکات.

 

- گرنگییەکی تایبەت بە ئافرەتان دەدەین، هەبوونی ئافرەتان لە ئۆرگانەکانی پارتیدا پێویستە.

- پشتگیریکردن لە پێکەوەژیان ئەرکی هەموومانە.

- کۆمەڵگەکەمان بە بەشدارییەکی دادپەروەرانە بەرەوپێش دەچێت.

- پارتی پارێزەری کورد و کوردستانیان بووە، هەروەها هەڵگری پەیامی دادپەروەری و ئاشتییە، هەر کاتێک پارتی بەهێز بێت، کوردستان گەشاوەتر دەبێت.