لە مۆزەخانەی زاخۆ زیاتر لە 300 شوێنەواری مێژوویی پارێزراون

ئاڤا نیوز

لە مۆزەخانەی هاوچەرخی زاخۆ، زیاتر لە 300 شوێنەواری مێژوویی پارێزراون کە تەمەنیان بۆ سەدان ساڵ پێش ئێستا دەگەڕێتەوە.

چیرۆکە سەرەکییەکە: لەسەردەمی کابینەی نۆیەمدا، لەزاخۆ  مۆزەخانەیەکی هاوچەرخ کرایەوە کە دەکەوێتە تەنیشت پردی دەلال، مۆزەخانەکە هەموو کەرەستە و کەلوپەلە مێژووییەکانی ناوچەکەی لێ هەڵگیراوە وگەشتییاران دەتوانن سەردانی بکەن.

لێدوانی فەرمی: محەمەد ئەحمەد ، بەڕێوەبەری شوێنەواری ئیدارەی سەربەخۆی زاخۆ بۆ ئاڤا نیوز گوتی:بیرمان لە شوێنێک کردەوە لە زاخۆ، کە هەموو ئەو پارچە شوێنەوار و کەلەپوورانەی کە پاراستوومانن، لەوێ نمایشیان بکەین، چونکە چەندین ساڵ بوو کێشەی شوێنمان هەبوو.

زانیاریی زیاتر: ئێستا لە مۆزەخانەکە زیاتر لە 300 شوێنەواری مێژوویی پارێزراون، شوێنەواری میتانی و ئاشووری و ئیسلامی لە زاخۆ دۆزراونەتەوە، گواستراونەتەوە بۆ مۆزەخانەکە، شوێنێکی تایبەتمان بۆ نمایشی چەک داناوە کە لە سەردەمی شۆرشە کوردییەکان بەکارهاتووە. 

بۆچی گرنگە: پاراستنی شوێنەوار گرنگییەکی تایبەتی مێژوویی و سەرچاوەی دەوڵەمەندکردنی کلتووری کوردییە.