سێ بازرگانی مەترسیداری ماددە هۆشبەرەكان دەستگیر دەكرێن

ئاڤا نیوز

وەزارەتی ناوخۆی عێراق ڕایگەیاند، سێ بازرگانی مەترسیداری ماددە هۆشبەرەکان لە کەرکووک دەستگیرکراون.

ڕاگەیێنراوی فەرمی: وەزارەتی ناوخۆی عێراق ڕایگەیاند: ئەو سێ تۆمەتبارە سەرکردایەتی تۆڕێکی نێودەوڵەتی و ناوخۆیی بازرگانیکردن بە ماددە هۆشبەرەکانیان کردووە لە پارێزگاکانی کەرکووک و سلێمانی، ئێستا لەلایەن بەڕێوەبەرایەتی ڕووبەڕووبوونەوەی ماددە هۆشبەرەکان لە کەرکووک دەستگیرکراون.

زانیاریی زیاتر: لەگەڵ دەستگیرکردنی ئەو سێ کەسەدا دەست بەسەر 12 کیلۆگرام ماددەی هۆشبەری جۆری کریستاڵیشدا گیراوە.

باکگراوند: تەنها لە ماوەی دوو مانگی ڕابردوودا نزیکەی 10 تۆن ماددەی هۆشبەر لە عێراق دەستی بەسەردا گیراوە، 121 تۆڕی بازرگانیکردن بە ماددەی هۆشبەر هەڵوەشێنراونەتەوە، هەزار و 459 کەس دەستگیرکراون.