لە کەرکووک لە ناوەندەکانی خوێندن دوو ڕۆژ پشووی فەرمی ڕاگەیێنرا

ئاڤا نیوز

 

بە بڕیاری ڕێبوار تەها، پارێزگاری کەرکووک بەهۆی دابەزینی پلەکانی گەرما دوو ڕۆژ پشووی فەرمی لە ناوەندەکانی خوێندنی شارەکە ڕاگەیێنرا.

 

وێنە گەورەکە: ئەمشەو بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، لە ڕاگەیێنراوێکدا وردەکاریی دۆخی کەشوهەوای ئەمشەو و سبەی سێشەممەی بڵاو کردەوە و هۆشداری دا لە دابەزینی بەرچاوی پلەکانی گەرما، بەجۆرێک پلەکانی گەرما بۆ خوار پلەی سیلیزی دادەبەزن و شەختە و بەستەڵەک لە شەقام و ڕێگاکان دروست دەبێت.

 

ڕاگەیێنراوی فەرمی: پارێزگای کەرکووک بڵاوی کردەوە، ڕێبوار تەها، پارێزگاری کەرکوك بڕیاری دا بە ڕاگرتنی دەوامی فەرمی بۆ ڕۆژانی سێشەممە و چوارشەممە لە سەرجەم باخچەکانی منداڵان و قوتابخانە سەرەتایی و ناوەندی و ئامادەییەکان لە سەرتاسەری پارێزگاکەدا.

 

-ئەم بڕیارە بەهۆی دابەزینی پلەکانی گەرما بۆ خوار سفری سەدی و بەردەوامیی کاریگەریی نزمە پاڵەپەستۆی كەشوهەواوە دراوە.

 

-بڕیارەکە لەبەر ڕۆشنایی ڕاپۆرتەکانی کەشناسی و بەڕێوەبەرایەتیی گشتیی پەروەردەی کەرکووك و لەپێناو پاراستنی سەلامەتیی گیانی قوتابیان و خوێندکاران لە سەرتاسەری پارێزگاکەدا دەرکراوە.

 

ئەوەی پێویستە بیزانیت: دەوامی فەرمی لە فەرمانگە حکومییەکانی پارێزگاکە وەک ڕۆژانی ئاسایی بەردەوام دەبێت.