ئاسایشی هەولێر تۆمەتبارێک دەستگیر دەکات کە نزیکەی 400 هەزار دۆلاری دزیوە

ئاڤا نیوز

 

ئاسایشی هەولێر تۆمەتبارێکی دەستگیر کرد کە هەڵسابوو بە دزینی 400 هەزار دۆلار لە ماڵی هاووڵاتییەک لە قەزای خەبات.

 

ڕاگەیێنراوی فەرمی: بەڕێوەبەرایەتیی ئاسایشی هەولێر، ڕایگەیاند، بە فەرمانی دادوەری لێکۆڵینەوەی ئاسایشی هەولێر تۆمەتبار(ش ، ص ، ع)ـمان دەستگیر کرد، کە هەڵساوە بە ئەنجامدانی تاوانێکی دزیکردن لە ماڵی هاووڵاتیەک لە قەزای خەبات، کە بریتییە لە دزینی بڕێکی زۆر پارە بە نزیکەی 400 هەزار دۆلار و 27 مسقاڵ زێڕ و سێ ئامێری مۆبایل.

 

-تۆمەتبارەکە بەر لە دەستگیرکردنی بەو پارە دزراوە هەڵساوە بە کڕینی ئۆتۆمبێل و سەفەری دەرەوەی وڵاتی کردووە، تاوەکوو خۆی لە پێش چاوی تیمەکانمان بزر بکات.

زانیاریی زیاتر: ئاسایشی هەولێر دەڵێت، دوای دەستگیرکردنی تۆمەتبارەکە پەڕاوای لێکۆڵینەوەی ئاڕاستەی دادگا کراوە و لێکۆڵینەوە بەردەوامە.

 

ئەمەش بزانە: ماوەی 10 ڕۆژە ئەم دزییە لە ماڵێکی گەڕەکی هەنجیرۆکی قەزای خەبات کراوە، دوای لێکۆلینەوەی ورد لەلایەن ئاسایشی هەولێرەوە تۆمەتبارەکە دەستگیر کرا.