پڕۆژەی ڕووناکی: نیوەی یەکە بازرگانییەکانی سلێمانی کەمتر لە 20 هەزاریان بۆ هاتووەتەوە

ئاڤا نیوز

لەگەڵ فراوانبوونی پڕۆژەی ڕووناکی، تیمی ئەو پڕۆژەیە دەڵێن، مانگی چوار نیوەی یەکە بازرگانییەکانی سلێمانی کەمتر لە 20 هەزار دیناریان بۆ هاتووەتەوە.

وێنە گەورەکە: پڕۆژەی ڕووناکی تا دێت فراوانتر دەبێت و ئامانجەکە ئەوەیە تا کۆتایی 2026 کارەبای هەموو هەرێمی کوردستان بکرێتە 24 کاتژمێری. ئێستا پڕۆژەکە لە هەولێر، سلێمانی و دهۆک جێبەجێ کراوە.

زانیاری بەدەستهاتوو: تیمی پڕۆژەی ڕووناکی دەڵێن، مانگی چواری ئەمساڵ نیوەی یەکە بازرگانییەکانی سلێمانی ئەوانەی کارەبایی 24 کاتژمێریان پێ گەیشتووە کەمتر لە 20 هەزار دیناریان بۆ گەڕاوەتەوە.

ئەوەی پێویستە بیزانیت: بەگوێرەی داتاکانی تیمی پڕۆژەی ڕووناکی بێت، لە هەولێر 530 هەزار هاونیشتمانی، لە سلێمانی 40 هەزار و لە دهۆک 30 هەزار هاونیشتمانی لە پڕۆژەکە سوودمەندن. جگە لەوەی بەهۆی پڕۆژەی ڕووناکییەوە 729 مۆلیدەی گەڕەکەکان کوژێنراونەتەوە کە دەکاتە 10%ـی مۆلیدەکانی هەموو هەرێمی کوردستان.