ئەندامێکی دیکەی دەم پارتی کۆچی دوایی کرد

ئاڤا نیوز

 

مستەفا مەسعود تەکیک، هاوسەرۆکی ڕێکخستنی ئێلحی پارتی یەکسانی و دیموکراسی گەلان (دەم پارتی) دوای تووشبوونی بە جەڵتەی دڵ کۆچی دوایی کرد. 

 

چیرۆکی سەرەکی: درەنگانی شەوی ڕابردوو، دەم پارتی لە تۆڕی کۆمەڵایەتی ئێکس هەواڵی کۆچی دوایی ئەندامێکی حیزبەکەی بەهۆی نەخۆشی جەڵتەی دڵەوە بڵاوکردەوە.

 

ڕاگەیێنراوی فەرمی: دەم پارتی بڵاویکردەوە، مستەفا مەسعود تەکیک، ئەندامی دەم پارتی لە پارێزگای باتمان گیانی لەدەستداوە، تەکیک دوای تووشبوونی بە جەڵتەی دڵ، گەیەندراوەتە نەخۆشخانەی "سیامی ئەرسەک" لە ئیستەنبووڵ، بەڵام سەرەڕای هەوڵی پزیشکەکان نەتوانراوە ڕزگار بکرێت.

 

- مستەفا مەسعود تەکیک، تا کۆتایی تەمەنی هەوڵی بۆ یەکسانی و ئازادی و دادپەروەری داوە و لەو پێناوەشدا خەباتی کردووە. 

بە تەنیشت ئەم بابەتەوە: ڕۆژی شەممە، ڕێککەوتی 3ـی 5ـی 2025، سری سوورەیا ئۆندەر، بریکاری سەرۆکی پەرلەمانی تورکیا و ئەندامی شاندی دەم پارتی بۆ ئیمرالی، دوای 18 ڕۆژ مانەوە لە نەخۆشخانە، بەهۆی جەڵتەی دڵەوە کۆچی دوایی کرد.