هێزی ئاسمانیی عێراق چەند حەشارگەیەکی داعش لە کەرکووک دەکاتە ئامانج

ئاڤا نیوز

هێزی ئاسمانیی عێراق لە ڕێگەی دوو هێرشەوە چەند چەند حەشارگەیەکی چەکدارانی داعش لە وادی شای لە قەزای داقووق لە سنووری پارێزگای کەرکووک دەکەنە ئامانج.

وێنە گەورەکە: ئۆپەراسیۆنی هێزەکانی عێراق بۆ لەنێوبردنی پاشماوەکانی داعش لە ناوچە سەخت و دژوارەکاندا بەردەوامە، بە ئامانجی دابینکردنی ئاسایشی ئەو ناوچانە.

زانیاریی بەدەستهاتوو: بەگوێرەی سەرچاوەیەکی ئەمنی کە قسەی بۆ میدیای عێراق کردووە، ئۆپەراسیۆنەکە لەسەر بنەمای زانیاریی وردی هەواڵگری ئەنجام دراوە. لەم ئۆپەراسیۆنەدا چەند حەشارگەی ئەندامانی داعش، کە بۆ پلاندانان هێرشی تیرۆریستی بەکارهاتوون، دیاری کراون.

زانیاریی زیاتر: هەر بەگوێرەی سەرچاوەکە، فڕۆکە  F-16ـکانی عێراق دوو هێرشی وردیان ئەنجام داوە کە بووەتە هۆی تێکشکاندنی تەواوی ئامانجەکان.

باکگراوند: هەرچەندە داعش لە ساڵی 2017ـەوە کۆتاییهاتنی داعش وەکو ڕێکخراوێک ڕاگەیێنراوە، بەڵام شانە نوستووەکانی ڕێکخراوەکە ماون و هەندێکجار هێزە ئەمنییەکان و هاووڵاتیانی عێراق بەئامانج دەگرن.