لە بەغدا و کەرکووک دەست بەسەر کۆگایەکی بەشەخۆراک و کارگەیەکی جگەرە دەگیرێت

ئاڤا نیوز

وەزارەتی بازرگانیی عێراق ئاشکرای دەکات، تیمە چاودێرییەکانیان بە هەماهەنگی لەگەڵ دەزگا ئەمنییەکان، لە هەردوو پارێزگای بەغدا و کەرکووک دەستیان بەسەر کۆگایەکی بەشەخۆراک و کارگەیەکی جگەرە دەگرن.

لێدوانی فەرمی: ریاز مەهدی موسەوی، بەڕێوەبەری گشتیی فەرمانگەی چاودێریی بازرگانی و دارایی ڕایگەیاند: لە بەغدا دەست بەسەر کۆگایەکدا گیراوە کە بڕێکی زۆر ئارد، برنج، دۆشاوی تەماتە، زەیتی خۆراک و چای تەرخانکراو بۆ چاودێریی کۆمەڵایەتی تێدا بووە. 

زانیاریی زیاتر: موسەوی، ئاماژەی بەوەکرد، خاوەنی کۆگاکە، بەمەبەستی فرۆشتنەوەیان لە بازاڕەکاندا، دووبارە ئەو بەشەخۆراکانەی دووبارە  لەنێو کیسە و کارتۆنی  دیکەدا بە مارکەی بازرگانیی ساختە پڕکردووەتەوە. 

به‌ته‌نیشت ئه‌م بابه‌ته‌وه‌:  وەزارەتی بازرگانیی عێراق ئاشکرای کرد،  لە پارێزگای کەرکووک، تیمێکی چاودێریی سەر بەوەزارەتەکەیان توانیویانە دەست بەسەر کارگەیەکدا بگرن،  کە کاری پڕکردنەوەی جگەرەی کردووە لەناو پاکەتی هەڵگری مارکەی ساختە و بەشێوەی ناوخۆیی فرۆشتوویەتی.