جارێکی دیکە پێکدادان لە سنووری پاکستان و ئەفغانستان ڕوودەدات

ئاڤا نیوز

جارێکی دیکە شەڕ لە سنووری پاکستان و ئەفغانستان دەستیپێکردەوە، هەردوو لایەنیش یەکتری بە دەستپێکردنی ئەم هێرشانە تۆمەتبار دەکەن، ئەفغانستان دەڵێت: لە دەرئەنجامی تەقە لەگەڵ هێزەکانی پاکستان چوار کەس کوژراون.

 
زانیاریی بەدەستهاتوو: ئەمڕۆ شەممە زەبیحوڵڵا موجاهید، وتەبێژی حکومەتی ئەفغانستان ڕایگەیاند، درەنگانی شەوی ڕابردوو لایەنی پاکستانی هێرشی کردە سەر ئەفغانستان لە سنووری پارێزگای قەندەهار و دەستبەجێی هێزەکانمان وەڵامی هێرشەکانی داوەتەوە.

ژمارەکان وادەڵێن: لە دەرئەنجامی ئەم پێکدادانانە لایەنی ئەفغانستانی ئاشکرای کرد چوار کەس کوژراون، کە خەڵکی سیڤیل بوون.

لەلایەکی دیکەوە:  موشرەف زەیدی، وتەبێژی سەرۆکوەزیرانی پاکستان دەڵێت، هێزەکانی ئەفغانستان بە درێژایی سنوور، تەقەی بێ پاساویان کرد و هێزەکانی ئێمەش ڕاستەوخۆ وەڵامیان داوەتەوە.