وەزارەتی دەرەوەی عێراق پێشوازی لە بڕیاری خۆهەڵوەشاندنەوەی پەکەکە دەکات

ئاڤا نیوز

 

وەزارەتی دەرەوەی عێراق پێشوازی لە بڕیاری پارتی کرێکارانی کوردستان "پەکەکە" بۆ هەڵوەشاندنەوەی خۆی و ڕاگرتنی خەباتی چەکداری دەکات، ئەم بڕیارەش بە هەنگاوێکی ئەرێنی و گرنگ بۆ سەقامگیری عێراق و ناوچەکە دەزانێت.

 

چیرۆکی سەرەکی: ئەمڕۆ دووشەممە پارتی کرێکارانی کوردستان 'پەکەکە'، ئەنجامی کۆنگرەی 12ی خۆی ئاشکراکرد، لە کۆنگرە پەیکەربەندی ڕێکخستن هەڵوەشاوەتەوە، کۆتایی بە خەباتی چەکداری و هەموو ئەو چالاکییانەی بەناوی پەکەکەوە ئەنجام دەدرا هێنا.

بڵاوکراوەی فەرمی: وەزارەتی دەرەوەی عێراق لە بەیاننامەیەکدا ڕایگەیاند:

- ئەم بڕیارە زمینەیەکی گونجاو دەڕەخسێنێت بۆ پێشخستنی هەوڵەکانی ئاشتی و کۆتایی بە دەیان ساڵ لە ململانێ و مەینەتی گەلانی ناوچەکە دەهێنێت. 

- ئەم دەستپێشخەرییە پاساوی بوونی هێزی سەربازی بیانی لەنێو خاکی عێراق یەکلادەکاتەوە. 

- وەزارەتی دەرەوەی عێراق پاڵپشتی لە هه‌موو هەوڵێك‌ بۆ چەسپاندنی ئاشتی و سەقامگیری بە شێوەیەکی ئاشتیانە دەکات، هاوکات جەخت لەسەر گرنگی چارەسەرکردنی ئاستەنگە ئەمنییەکان لەڕێگەی گفتوگۆ و لێکتێگەیشتن دەکاتەوە .