فایلی خەڵک؛ دانیشتوانی گەڕەکی زانیاریی هەولێر داوای خزمەتگوزاری زیاتر دەکەن

ئاڤا نیوز

دانیشتوانی گەڕەکی زانیاریی هەولێر داوای خزمەتگوزاری زیاتر دەکەن بۆ پاڕکی گەڕەکەکەیان و داوا دەکەن بەشێکی پارکەکەیان بە شوێنی وەرزشکردن.

لێدوانی فەرمی: حاجی نەسرینی تەمەن 61 ساڵ دەڵێت: لەو پارکە کاتێک دەمانەوێت وەرزش بکەین، پاژنە پێ و ئەژنۆمان ئازاری بۆ درووست دەبێت، چوونکە هەمووی بەردە و شیاو نییە بۆ وەرزشکردن.
 

- ئەو داوا دەکات بەشێکی پارکەکە بکەن بەشوێنی وەرزشکردن و تاتانی لێدەن، ئەو لاستیقەی بۆ ڕاکردن گونجاوە بۆ ئەوەی گەنج و بە تەمەن بتوانن بە ئاسوودەیی وەرزشی خۆیان بکەن.

- جگە لەوە زۆربەی  کورسییەکانی پارکەکە شکاوە، زبڵی لێیە، موحەجەڕەی چواردەوری پارکەکە شکاوە، گڵۆپەکان هەندێکیان سووتاون، زۆربەی کەلوپەلەکانی یاری منداڵان شکاوە و بەکەڵک نەماوە.

لەلایەکی دیکەوە: ڕێبین ئەحمەد، بەرێوەبەری ئەندازەی پارکەکانی هەولێر بە ئاڤای ڕاگەیاند: هەوڵدەدەین لە داهاتی ناوخۆ بودجەیەکی بۆ تەرخان بکەین.

- سەبارەت بە پیسی و کارنەکردنی ڕووناکی و شکانی کورسی و مەحەجەرەکان، ئێمە هەوڵدەدەین بەزووترین کات ئەم کێشانە چارەسەر بکەین و نەیهێڵین.