نێچیرڤان بارزانی: بەڕێوەچوونی لووتكەی عەرەبی لە بەغدا گەڕانەوەی عێراقە بۆ ڕۆڵی گرنگی لە ناوچەكە

ئاڤا نیوز

سەرۆكی هەرێمی كوردستان ڕایدەگەیەنێت، بەڕێوەچوونی كۆبوونەوەی لوتكەی عەرەبی لە بەغدا، گەڕانەوەی عێراقە بۆ ڕۆڵی گرنگی لە ڕۆژهەڵاتی ناوەڕاستدا.

وێنە گەورەكە: بڕیارە ڕۆژی شەممەی داهاتوو 2025-05-17، كۆبوونەوەی لووتكەی وڵاتانی عەرەبی بە ئامادەبوونی دەیان سەرۆك و وەزیر و بەرپرسانی باڵای وڵاتانی عەرەبی لە بەغدای پایتەختی عێراق بەڕێوەبچێت، كە جاری سێیەمە لە عێراق میوانداریی دەكرێت.

پەیامی فەرمی: نێچیرڤان بارزانی، سەرۆكی هەرێمی كوردستان، لە لە تۆڕی كۆمەڵایەتی 'ئێكس' ڕایگەیاند، پێشوازی لە بەڕێوەچوونی لووتکەی عەرەبی و ئامادەبوونی سەرکردەی وڵاتانی عەرەبی لە بەغدا دەکەین. ئەم لووتکەیە دەبێتە وێستگەیەکی مێژوویی دیپلۆماسی بۆ گەڕانەوەی عێراق بۆ ڕۆڵی گرنگی لە ڕۆژهەڵاتی ناوەڕاستدا.

زانیاریی زیاتر: سەرۆكی هەرێمی كوردستان ڕاشیگەیاند، تەواوی پشتیوانیی خۆمان بۆ هەوڵەکانی محەممەد شیاع سوودانی، سەرۆکوەزیرانی عێراق دووپات دەکەینەوە بۆ بەهێزکردنی کاری هاوبەشی عەرەبی، و بنیاتنانی هاوبەشی و بەرژەوەندیی هاوبەش، هەروەها ڕابەرایەتیکردنی لە کەمکردنەوەی گرژییەکان.