سەرۆک بارزانی: بڕیاری یەکگرتنەوەی یەکێتیی قوتابیان و لاوان بوێرانەیە

ئاڤا نیوز

ئەمرۆ پینجشەممە 2025-05-15، بە سەرپەرشتی سەرۆک بارزانی، لەشاری هەولێر کۆنگرەی یەکگرتنی هەردوو ڕێکخراوی قوتابییان و لاوان دەستی بەکارەکانی کرد، لە وتەیەکدا، سەرۆک بارزانی وتی، زۆربوونی ئافرەتان لەنێو ڕێکخراوەکانی قوتابیان و لاوان مایەی خۆشحاڵییە.

وێنە گەورەکە: ئەمڕۆ پێنجشەممە ڕێککەوتی 15ـی 5ـی 2025،  بە سەرپەرشتی سەرۆک بارزانی و بەئامادەبوونی مەسرور بارزانی، جێگری سەرۆکی پارتی دیموکراتی کوردستان کۆنگرەی یەکگرتنەوەی یەکێتیی قوتابیان و یەکێتیی لاوانی دیموکراتی کوردستان لە هۆڵی سەعد عەبدوڵڵا  بەڕێوەدەچێت.

لێدوانی فەرمی: سەرۆک بارزانی لە کۆنگرەی یەکگرتنەوەی یەکێتی قوتابیان یەکێتیی لاوانی کوردستان وتارێکی پێشکەش کرد و ڕاگەیاند، یەکگرتنەوەی یەکێتیی قوتابیان و لاوان بوێرانەیە.

سەرۆک بارزانی گوتیشی، "دڵنیام دوای یەکگرتنەوە دەتوان باشتر خزمەت بە قوتابیان و لاوان بکەن. 

 

لەبارەی ڕێژەی ئافرەتان دوای یەکگرتنەوە، سەرۆک بارزانی پێشنیازی کرد، کە "تا چەند دەتوانن ڕێژەی ئافرەتان لەناوتاندا زیاتر بێت".

 

بەشێکی دیکە لە گوتەکانی سەرۆک بارزانی لە کۆنگرەکە:

٠ یەكگرتنەوەی قوتابیان و لاوان ئەركەكە ئاسانتر و سەركەوتووترتان دەكات.

٠ ئەركی سەر شانی قوتابیان و لاوانە دژی شەڕی نەهێشتنی بیر و باوەڕ بوەستنەوە.

٠ میللەتێك ئەگەر خاكی نەبوو میللەتێكی بێ نرخە.

٠ نابێت ئێمە خۆپەرست و ڕەگەزپەرست بین بەڵام نابێت تاكی كورد خۆی بە كەمتر بزانێت لە تاكێكی دیكە.

٠ بە هەموو توانایەك پشتیوانی لە قوتابیان و لاوان دەكەین.