بەڕێوەبەرایەتیی كشتوكاڵ بۆ ڕێگریكردن لە سووتانی دەغڵودان چەند ڕێنماییەك بڵاو دەكاتەوە

ئاڤا نیوز

لەگەڵ هاتنی كاتی دروێنەكردنی دەغڵودان، بۆ ڕێگریكردن لە ڕووداوی ئاگر و سووتانی دەغڵودان، بەڕێوەبەرایەتیی گشتیی كشتوكاڵی هەولێر چەند ڕێنماییەكی بۆ جووتیاران بڵاو كردەوە.

ڕاگەیێنراوی فەرمی: به‌ڕێوه‌به‌رایه‌تی گشتیی كشتوكاڵی هه‌ولێر له‌میانه‌ی راگه‌یه‌ندراوێكدا داوا له‌ جووتیاران ده‌كات، له‌ كاتی دروێنه‌ خۆیان له‌ كاره‌ساتی نه‌خوازراو بپارێزن و پابه‌ندی رێنماییه‌كان بن.

زانیاریی زیاتر: بەڕێوەبەرایەتییەكە  شەش ڕێنمایی بڵاو كردووەتەوە و داوا لە جووتیاران دەكات پێوەی پابەند بن.

٠ پێویسته‌ ئامێری ئاگركوژێنه‌وه‌ له‌نێو ده‌ڕاسه‌كاندا هه‌بێت.

٠ لە کاتی شکانی دەراسە هەر ئامێرێک نابێت بە هیچ شێوەیەک کرداری لەحیمکردن لە ناو کێلگەی گەنم و جۆ ئەنجام بدرێت.

٠ پێویسته‌ شوفێرانی ده‌ڕاسه‌ ئاگاداری هێڵه‌كانی كاره‌بای ناو كێڵگه‌كانیان بن.

٠ چاككردنی رێگه‌ی نێوان توخوبه‌كان و رێگه‌ی چوون بۆسه‌ر زه‌وییه‌كان، بۆ گه‌یشتنی تیمه‌كانی به‌رگری شارستانی.

٠ پێویستە هەر دەڕاسەیەک بە بەردەوامی تانکەرێک ئاوی بە پڕی لەگەڵدا بێت، لە کاتی ئیشکردندا و ترومپای ئاوی لەسەر بێت، بۆ ئەوەی لە کاتی روودانی هەر ئاگرێک، بتوانن بە زووترین کات كۆنترۆڵی بكات.

٠ شوفێری دەڕاسە خۆی بەدوور بگرێت لە جگەرەکێشان ئەگەر کێشای نابێت پاشماوه‌كه‌ی فڕێی بداتە ناو کێڵگەکان .