شارەوانی هەڵەبجە سزای پێبژاردن بۆ بەشێک لە ئاژەڵداران دیاری دەکات

ئاڤا نیوز

 

شارەوانی هەڵەبجە بە 150 هەزار دینار سزای ئەو خاوەن ئاژەڵانە دەدات، کە مانگاکانیان بەرەڵان دەکەن و زیان بە سەوزای و دار و درەخت دەگەیەنن. 

 

بەشێک لە هاووڵاتیانی شاری هەڵەبجە سەرقاڵی ئاژەڵدارین و بەشێک لەوانە ئاگایان لە مانگاکانیان نییە کە ڕۆژانە دێنە ناوشار و زیان بە درەخت و سەوزای پارک و شەقامەکان دەگەیەنن، لەبەرامبەر ئەوەدا شارەوانی هەڵەبجە سزای پێبژران و دەستبەسەرداگرتنیان بۆ دیاری دەکات. 

 

لێدوانی فەرمی: فەرحان عزەت، وتەبێژی شارەوانی هەڵەبجە بە ئاڤای ڕاگەیاند، بەشێک لەو ئاژەڵدارانە ئاگایان لە مانگاکانیان نییە کە دێنە سەر شەقامەکان و زیان بە سەوزای درەختی پارکەکان دەگەیەنن، بۆیە هەر مانگایەک لەسەر شەقامەکان دەستبەسەردابگرین لەبەرامبەر 150 هەزار دینار بەخاوەنەکەی دەدەینەوە. 

 

-    بەشێکی زۆر لە درەختەکانی شارەوانی لەلایەن ئەو ئاژەڵانەوە زیانیان پێ گەیەندراوە. 
-    تاوەکو ئێستا لە شەقام و شوێنە گشتییەکانی هەڵەبجە 80 مانگا دەستی بەسەرداگیراوە و خاوەنەکانیان 150 هەزار دیناریان لێ وەرگیراوە.