بەرگریی شارستانیی هەولێر وردەكاریی ڕووداوەكەی ئەمڕۆ ئاشكرا دەكات

ئاڤا نیوز

 

بەڕێوەبەرایەتیی بەرگریی شارستانیی هەولێر ئاشکرای دەکات کە ئەمڕۆ دوو کارمەندی بەڕێوەبەرایەتییەکە لە کاتی هەوڵدان بۆ دەرهێنانی تەرمی هاووڵاتییەک لەنێو تانکییەکی سووتەمەنی گیانیان لەدەست دا.

 

چیرۆکی سەرەکی: لە پاڵاوگەیەکی سنووری هەولێر دوای ئەوەی هاووڵاتییەک لەنێو تانکییەکی سووتەمەنی دەخنکێت، دوو کارمەندی بەرگری شارستانی هەوڵی دەرهێنانی تەرمەکە دەدەن ئەوانیش دەخنکێن.

 

ڕاگەیێنراوی فەرمی: بەرگریی شارستانیی هەولێر ڕایگەیاند: کاتژمێر 4:11 خولەکی بەرەبەیانی ئەمڕۆ، تیمەکانی بەرگری شارستانیی پارێزگای هەولێر ئاگادارکرانەوە لەبوونی حاڵەتێکی خنکانی هاووڵاتییەکی بە نەتەوە عەرەب لەنێو کۆگایەکی هەڵگرتنی بەرهەمە نەوتییەکانی یەکێک لە پاڵاوگەکانی سنووری ناحیەی شەمامک دەستبەجێ تیمەکانمان بەڕێکەوتن بۆ دەرهێنانی تەرمی هاوڵاتییەکە.

زانیاریی زیاتر: بەرگری شارستانیی هەولێر ئاماژەی بە ئەوە داوە کە لە کاتی هەوڵدان بۆ دەرهێنانی تەرمی هاووڵاتییەکە دوو کارمەندی بەڕێوەبەرایەتییەکە، بە ناوەکانی ڕێپێدراوی پۆلیسی پلە/8 یوسف شەریف حەسەن، پۆلیسی پیادە پلە/4، سەباح سەلیم، گیانیان لەدەست داوە.