ئافرەتەکەی زاخۆ دوای 17 ڕۆژ بێهێشبوون بەهۆی هەڵەی پزیشکییەوە گیانی لەدەست دا

ئاڤا نیوز

دوای 17 ڕۆژ مانەوە و بێهێشبوون لە نەخۆشخانەیەکی زاخۆ، ئافرەتێک بەهۆی هەڵەیەکی پزیشکییەوە گیانی لەدەست دا.

 

چیرۆکی سەرەکی: لە نەخۆشخانەی ئافرەتان و منداڵبوونی زاخۆ، ئافرەتێک دوای لە دایکبوونی منداڵەکەی، پێویستی بە خوێن دەبێت، بەڵام بە هەڵە جۆرێکی خوێن دەکرێتە جەستەیەوە کە هاوتای خوێنی خۆی نییە و دوای 17 ڕۆژ مانەوە لە نەخۆشخانە، ئافرەتەکە گیانی لەدەست دا و حەوت منداڵی لە دوای خۆی بەجێهێشت.

 

زانیاریی بەدەستهاتوو: تاوەکو ئیستا خێزانی شیلان ئیسماعیلی تەمەن 38 ساڵان هیچ سکاڵایەکیان لەسەر نەخۆشخانەکە تۆمار نەکردووە، بەڵام داواکاریی گشتیی دهۆک سکاڵا لەسەر بابەتەکە هەیە و ئەمڕۆ لە دادگە پەڕاوی بۆ دەکرێتەوە. 

 

گۆشەیەکی دیکەی دیمەنەکە: هەموو هەوڵێک بۆ ڕزگارکردنی ژیانی شیلان ئیسماعیل دراوە، بەڵام لە کاتژمێر 11:30 شەوی ڕابردوو تەواوی ئەندامانی جەستەی لەکار کەوتن و دواتر گیانی لەدەستدا.