لە زاخۆ بەهۆی هەڵەیەکی پزیشکی نەخۆشێک 14 ڕۆژە بێهۆشە

ئاڤا نیوز

لە نەخۆشخانەی گشتیی زاخۆ بەهەڵە خوێن لە ئافرەتێکی دووگیان دەکەن و ماوەی چواردە رۆژە بێهۆشە. ئیدارەی نەخۆشخانەکەش ئیجرائاتی کردووەو شەش کارمەندی سزا داوە.

چیرۆکی سەرەکی: لە زاخۆ ئافرەتێک لەدوای لە دایکبوونی منداڵەکەی لە نەخۆشخانە پێویستی بە خوێن بووە، بۆ ڕزگارکردنی ژیانی خوێنیان بەهەڵە تێکردووە.

لێدوانی فەرمی: دکتۆرەکانی نەخۆشخانەکە بە جاسم محەمەد پەیامنیری ئاڤایان وت، سات بە سات دۆخی تەندروستی گۆڕانکاری بەسەردادێت، بەڵام هێشتا مەترسی لەسەر ژیانی هەیە.

لەلایەکی دیکەوە: دادگا بە کەسووکاری ئافرەتەکەی وتووە، شکات بکەن، با ئێمەش بڕیار بدەین. کەسوکارەکەیشی وتویانە، جارێ ئەوەی گرنگە بەلای ئێمەوە تەندروستی نەخۆشەکەمانە، با یەکلا ببێتەوە ئەوکاتە سکاڵا تۆمار دەکەین.