ڕووسیا و ئۆکراینا کۆتا قۆناغی ئاڵوگۆڕکردنی دیلەکانی نێوانیان ئەنجام دەدەن

ئاڤا نیوز

 

ڕووسیا و ئۆکراینا بەگوێرەی ڕێککەوتن دوای قۆناغی ئاڵوگۆڕکردنی دیلەکانی نێوانیان ئەنجام دەدەن.

چیرۆکی سەرەکی: ڕۆژی 16-5-2025، یەکەم دانوستانی ڕاستەوخۆ دوای سێ ساڵ لە نێوان ڕووسیا و ئۆکراینا لە ئیستەنبووڵ بە ئامادەبوونی هاکان فیدان، وەزیری دەرەوەی تورکیا ئەنجامدرا و لەو دانوستانە هەردوولا ڕێککەوتن لەسەر ئەوەی گەورەترین ئاڵوگۆڕکردنی دیل ئەنجام بدەن.

زانیاریی بەدەستهاتوو: ڕووسیا و ئۆکراینا تەواوبوونی ئاڵوگۆڕی دیلەکانیان  لە نێوانیان ڕاگەیاند و هەریەکەیان 303 دیلیان ئاڵوگۆر کرد، بەمەش تا ئێستا هەردوو ولات هەزار دیلیان ئاڵوگۆڕ کردووە.

ڕاگەیێنراوی فەرمی: وەزارەتی بەرگری ڕوسیا:  ڕۆژی یەکشەممە 25-5-2025، گەڕانەوەی 303 سەربازی ڕووسیای لە ناوچەکانی ژێر کۆنترۆڵی هێزەکانی ئۆکراینا لە بەرامبەر ڕادەستکردنەوەی 303 دیلی ئۆکراینی  ڕایگەیاند.

 

زانیاریی زیاتر: وەزارەتی بەرگری ڕووسیا پشتڕاستیکردەوە، کە سەربازە ئازادکراوەکانیان لە ئێستادا چارەسەری دەروونی و پزیشکی وەردەگرن.