مەسرور بارزانی پەیامێک لە یادی هەڵگیرسانی شۆڕشی گوڵان بڵاودەکاتەوە

ئاڤا نیوز

لە یادی هەڵگیرسانی شۆڕشی گوڵاندا، جێگری سەرۆکی پارتی دیموکراتی کوردستان، جەخت لە تەبایی و یەک هەڵوێستی و هاوخەباتی  سەرجەم پێکهاتە و هێز و لایەنە کوردستانییەکان دەکاتەوە.

وێنە گەورەکە: لە ساڵی 1976 شۆڕشی گوڵان سەری هەڵدا، ئەم شۆڕشە بە یەکێک لە شۆڕشە گرنگەکانی کورد لە مێژووی هاوچەرخ دادەنرێت، پارتی دیموکراتی کوردستان سەرکردایەتی دەکرد، هۆکاری سەرهەڵدانیشی بەردەوامی سیاسەتی چەوسانەوە و پاکتاوی ڕەگەزی و نەبوونی مافەکانی کورد بوو لەلایەن ڕژێمی بەعس لە چوارچێوەی دەوڵەتی عێراق دا.

پەیامی فەرمی: مەسرور بارزانی، جێگری سەرۆکی پارتی دەڵێت: بەڕێز و پێزانینەوە یادی سەرجەم تێکۆشەر و خەباتکار و فەرماندە و پێشمەرگە قارەمانەکان دەکەینەوە، کە لەم شۆڕشەدا بە شکۆمەندی و بڕوای بەرزەوە بەشداربوون و بەرگرییان لە گەلی کوردستان کرد.

شۆڕشی گوڵان وەک درێژەپێدەری شۆڕشی ئەیلول بەڕێبەرایەتی بارزانیی نەمر، پیلانی دوژمنانی کوردستانی تێکشاند، لە ڕێگەی گیانفیدایی و بەردەوامبوونی خەبات و تێکۆشانەوە، ئاسۆی نوێی لەبەردەم خەڵکی کوردستان کردەوە.

لەم یادەدا جەخت لە کارکردنی هاوبەش و تەبایی و یەک هەڵوێستی و هاوخەباتی هەموو پێکهاتە و هێز و لایەنە کوردستانییەکان دەکەینەوە، ئەمەش یەکێک لە بنەماکانی شۆڕشی گوڵان بووە، کە بووە هۆی دروستبوونی بەرەی کوردستانی و ڕاپەڕینی 1991 و بەدەستهێنانی هەموو دەستکەوتە نیشتمانییەکان.