مەکتەبی سیاسیی یەکێتی ئەنجامی کۆبوونەوەی شاندی دانوستانکار تاوتوێ دەکات

ئاڤا نیوز

 

دوای چەندین کۆبوونەوەی نێوان شاندی دانوستانکاری یەکێتی و پارتی لەبارەی پێکهێنانی کابینەی دەیەمی حکومەتی هەرێمی کوردستان، بڕیارە مەکتەب سیاسیی یەکێتی نیشتمانی کوردستان لەوبارەیەوە کۆببێتەوە، ئەندامێکی مەکتەبی سیاسی ئەو حیزبەش دەڵێت: ئەنجامی گفتوگۆی شاندی دانوستانکار تاوتوێ دەکەین.

 

وێنە گەورەکە: هەوڵەکانی هەردوو براوەی سەرەکی هەڵبژاردنی کوردستان بەردەوامە بۆ پێکهێنانی حکومەت لە زووترین کاتدا، تاوەکو ئێستا ئەو دوولایەنە چەندین کۆبوونەوەیان لە ڕێگەی لیژنەی دانوستانکاریانەوە ئەنجامداوە، بەشێکی زۆری کارەکانیان تەواوکردووە و ئێستاش لە ڕێککەوتنی کۆتایی نزیکبوونەتەوە ئەویش دابەشکردنی پۆستە وزارییەکانە.

 

لێدوانی فەرمی: سەعدی ئەحمەد پیرە، ئەندامی مەکتەبی سیاسییی یەکێتی نیشتمانی کوردستان، بە ئاڤا میدیای ڕاگەیاند: سبەی سێشەممە 26-5-2025، مەکتەبی سیاسیی یەکێتی کۆدەبێتەوە، ئەنجامی گفتوگۆکانی لیژنەی دانوستانکار تاوتوێ دەکات، هەروەها ڕوون دەبێتەوە کەی کۆبوونەوەی دواتر دەکەن.

 

- هەروەها باسی لەوەشکرد، قوباد تاڵەبانی ئەمڕۆ قسەی لەبارەی داواکارییەکانی یەکێتی و بەردەوامی کۆبوونەوەکان کردووە، بۆیە جێگەی سەرسوڕمان نابێت، کە ئەوان (پارتی) و ئێمە پێشنیازی نوێ و داواکاریمان هەبێت، هەموو بابەتەکان گفتوگۆیان لەبارەوە دەکرێت.