کۆریای باکوور: گومبەزی زێڕینی ئەمریکا هەڕەشەیە بۆ سەر جیهان

ئاڤا نیوز

 

کۆریای باکوور ڕاگەیاندنی پڕۆژەی قەڵغانی مووشەکیی ئەمریکای  ئیدانە کرد کە هەفتەی ڕابردوو لەلایەن سەرۆکی ئەمریکاوە بە فەرمی ڕاگەیێنرا. کۆریای باکوور پرۆژەکە  بە سیناریۆیەک بۆ "دەستپێکردنی شەری ئەتۆمی دادەنێت".

 

وێنە گەورەکە: ڕێککەوتی 21-5-2025، دۆناڵد ترەمپ، سەرۆکی ئەمریکا، پلانی 'گومبەزی زێڕین'ی بۆ بەرگری و پاراستنی ئەمریکا ڕاگەیاند و چاوەڕێ دەکرێت لە کۆتایی خولی سەرۆکایەتییەکەی ترەمپدا بکەوێتە کار، کۆریای باکووریش نیگەرانی خۆی لە ڕاگەیاندنی ئەو پرۆژەیە دەربڕی.

 

ڕاگەیێنراوی فەرمی: وەزارەتی دەرەوەی کۆریای باکوور ڕایگەیاند، پرۆژەی قەڵغانی مووشەکیی ئەمریکا دەستپێشخەرییەکی مەترسیدارە، کە ئامانج لێی دەستپێکردنی شەڕی ئەتۆمییە، مەترسی لەسەر ئاسایشیی وڵاتان دروست دەکات.

 

زانیاریی زیاتر: دەسەڵاتدارانی کۆریای باکوور ئاماژە بەوە دەکەن، "ئەگەر ئەمریکا سیستمی بەرگریی نوێی خۆی تەواو بکات، کۆریای باکوور ناچار دەبێت ڕێگەی دیکە و پلانی بەدیل بۆ ئەم پڕۆژەیە دابنێت''.
 

کاردانەوەکان: ڕاگەیاندنی ئەم پڕۆژەیە لەلایەن چین و ڕووسیاوە ڕەخنەی زۆری لێگیرا، ئەمریکایان بە "تێکدانی سەقامگیریی جیهان تۆمەتبار کرد".