حکومەتی عێراق لەبارەی جگەرە و نێرگەلەی ئەلیکترۆنی بڕیارێکی نوێ دەردەکات

ئاڤا نیوز

حکومەتی عێراق بڕیاریدا قەدەغەی هاوردەکردنی جگەرە و نێرگەلەی ئەلیکترۆنی هەڵبوەشێنرێتەوە، بەڵام بەگوێرەی کوالیتییان هاوردەدەکرێن و گومرگیش دەکرێن.

ئەوەی پێویستە بیزانیت: جگەرەی ئەلیکترۆنی هەرچەندە بەهۆی نەبوونی تووتنەوە بەدوورە لە چەندین زیانی جگەرەکێشانی ئاسایی، بەڵام چەندین ماددەی کیمیاییشی تێدایە کە بەشێکیان شێرپەنجە دروستدەکەن.

ڕاگەیێنراوی فەرمی: ئەنجوومەنی وەزیرانی عێراق لەکۆبوونەوەی ڕۆژی سێشەممەدا ڕەزامەندیی دا لەسەر هەڵوەشاندنەوەی بڕیاری قەدەغەی هاوردەکردنی جگەرە و نێرگەلەی ئەلیکترۆنی، بە مەرجێک کۆنترۆڵی جۆرییان بکرێت و نرخی گومرگییان لەسەر دیاریی بکرێت.

- یاداشتی لێکتێگەیشتن لەنێوان وەزارەتی کارەبا و گرووپی UGTی بەریتانی بۆ وزەی نوێبووەوە پەسەند کرا، بۆ دامەزراندنی پڕۆژەیەکی تەواوی کارەبا بە وزەی خۆر.

- ڕاسپاردەی ئەنجوومەنی وەزاریی بۆ کاروباری ئابووری پەسەندکرا، سەبارەت بە تێچووی پەرەپێدانی وێستگەی ئارتاوی بۆ وزەی خۆر (1000 مێگاوات) لەگەڵ کۆمپانیای تۆتاڵ ئینێرجی.

- ڕەزامەندیی درا لەسەر هەڵوەشاندنەوەی بڕیاری قەدەغەی هاوردەکردنی جگەرە و نێرگەلەی ئەلیکترۆنی، بە مەرجێک کۆنترۆڵی جۆرییان بکرێت و نرخی گومرگییان لەسەر دیاریی بکرێت.
 
- دەسەڵات درا بە دەستەی وزەی ئەتۆمی عێراق بۆ دانوستان و واژۆکردنی ڕێککەوتننامەی هاوکاری لەنێوان عێراق و ڕووسیا لەبواری بەکارهێنانی وزەی ئەتۆمی بۆ مەبەستی ئاشتی.