ترەمپ: پووتین یاری بە ئاگر دەکات

ئاڤا نیوز

 

دۆناڵد ترەمپ، سەرۆکی ئەمریکا هۆشدارییەکی تووند دەداتە ڤلادیمێر پووتین، سەرۆکی ڕووسیا و دەڵێت، "پووتین یاری بەئاگر دەکات".

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، ''خەریکە ئارامیی خۆم لەدەست دەدەم بەهۆی سەرۆکی ڕووسیا''.

 

ترەمپ زیاتر قسەی لەسەر هاوتا ڕووسییەکەی کرد و گوتی، "ئەوەی ڤلادیمێر پووتین هەستی  پێناکات ئەوەیە: ئەگەر لەبەر من نەبوایە، ڕووسیا زۆر شتی خراپی بەسەر دەهات". هاوکات گوتیشی، "پووتین یاری بە ئاگر دەکات''.

 

ئەوەی پێویستە بیزانیت: لە کاتێکدا ئەمریکا لە هەوڵدایە بۆ بەدیهێنانی ئاگربەستی نێوان ڕووسیا و ئۆکراینا، بەڵام ماوەی هەفتەیەکە ڕووسیا هێرشە ئاسمانییەکانی  بۆ سەر ئۆکراینا چڕتر کردووە  و سەرجەم هاوپەیمانانی ئۆکراینا داوا لە ئەمریکا دەکەن کە سزای زیاتر بەسەر مۆسکۆ بسەپێنێن بۆ ڕاگرتنی هێرشەکان.