فایلی خەڵک؛ لە ڕێی ئاڤاوە کێشەیەکی 30 ساڵەی گوندی بەلەسێنی هەڵەبجە چارەسەر دەکرێت

ئاڤا نیوز

دوای بەدواداچوونی ئاڤا، کێشەیەکی 30 ساڵەی گوندێکی هەڵەبجە چارەسەر دەکرێت.

چیرۆکی سەرەکی: گوندی بەلەسێن لە هەڵەبجە ماوەی 30 ساڵە، 3 ڕەتڵ مینی تێدایە، کە هی سەردەمی شەڕی ئێران و عێراقە و بەهۆیەوە  تا ئیستا 22 کەس گیانیان لەدەستداوەو ژمارەیەکیش قاچ و دەسیان پەڕیوە.

بەدواداچوونی ئاڤا: ئاڤا ناڕەزایەتی ئەو گوندەی گەیاندە عەلی میران، بەڕێوەبەری گشتیی تەکنیکی لە دەستەی گشتی کاروباری مین، یەکسەر چوون بۆ لای خەڵکی گوندەکە، پێش جەژن تیمێکی تەکنیکی بۆ ڕوپێوی ناوچەکە دەنێردرێت، دوای جەژن دەستدەکەن بە هەڵگرتنەوەی مینەکان و پاککردنەوەی تەواوی گوندەکە لە مین.