محەممەد حاجی مەحموود: ئێمە ڕیفراندۆممان هەیە و دەبێت هەرێمی کوردستان بڕیاری خۆی بدات

ئاڤا نیوز

سەبارەت بە نووسراوەکەی وەزیری دارایی عێراق بۆ ڕاگرتنی مووچەی فەرمانبەرانی هەرێمی کوردستان، سکرتێری گشتیی پارتی سۆسیال دیموکراتی کوردستان دەڵێت، ئەوەی عێراق دەیکات کاردانەوەی واژۆکردنی گرێبەستەکانی کوردستانە لە ئەمریکا.

وێنە گەورەکە: لەگەڵ ئەوەی سەرەتای ئەمساڵ هەولێر و بەغدا ڕێککەوتن لەسەر ئەوەی کە مانگانە لە کاتی خۆیی و بێ دواکەوتن مووچەی کوردستان بنێردرێت، بەڵام بەغدا پابەندی ئەو ڕێککەوتنە نەبووە و لە نووسراوێکدا مووچەی ئەم مانگەی ڕاگرتووە و دەڵیت چیتر مووچەی فەرمانبەرانی کوردستان نانێرین.

لێدوانی فەرمی: محەممەد حاجی مەحموود، سکرتێری گشتیی پارتی سۆسیال دیموکراتی کوردستان لە گەشتی هەواڵەکانی کاتژمێر 12ـی ئاڤا میدیا ڕایگەیاند:

٠ ئەوەی بەرامبەر بە کورد دەکرێت بڕیاری هەموو سیاسییەکانی عێراقە نەک تەنیا وەزیری دارایی.

٠ عێراق ڕاشکاوانە دەڵێت ئێمە مووچەی کوردستان نانێرین.

٠ دەبێت عێراق مووچەی مووچەخۆرانی کوردستان بنێرێت.

٠ ئەوەی عێراق دەیکات کاردانەوەی واژۆکردنی گرێبەستەکانی کوردستانە لە ئەمریکا.

٠ ئێمە ڕیفراندۆممان هەیە و دەبێت هەرێمی کوردستان بڕیاری خۆی بدات، ڕیفراندۆم دەنگی پێویستی بۆ جیابوونەوەی کورد لە عێراق بەدەستهێناوە.

٠ پێویستە هەرێمی کوردستان لە هەموو لایەکەوە گوشار لە عێراق بکات.

٠ پێویستە لایەنەکان لە بەرانبەر بەغدا هاودەنگ بن.

٠ عێراق زۆر لاوازە و کورد زۆر بەهێزە.

٠ هەرێمی کوردستان دەتوانێت زۆرێک لە کێشەکانی خۆی چارەسەر بکات.

٠ عێراق بەبێ کورد هەڵبژاردنی بۆ ناکرێت.

٠ بەبێ بەشداریی کورد لە پرۆسەی سیاسیدا هەموو شتێک لە عیراق تێکدەچێت.