بەڕێوەبەرایەتیی خۆسەر بۆ ئاڤا: بەهیچ شێوەیەک دەستبەرداری لامەرکەزییەت نابین لە سووریا

ئاڤا نیوز

بڕیارە گەڕێکی دیکەی دانوستانەکانی نێوان ئیدارەی خۆسەر لە ڕۆژئاوای کوردستان و حکومەتی نوێی سووریا دەستپێبکات، کە تێیدا پرسی گرنگ و چارەنووسساز تاوتوێ بکرێن.

وێنە گەورەکە: دوای کەوتنی دەسەڵاتی بەشار ئەسەد لە سووریا، لە 10ـی ئاداری ئەمساڵ، مەزڵووم عەبدی و ئەحمەد شەرع بە ئاشکرا کۆبوونەوە و ڕێککەوتنێکی هەشت خاڵیان واژۆۆ کرد، کە بە ڕێککەوتنێکی گرنگ لە نێوان ڕۆژئاوای کوردستان و حکومەتی سووریا دادەنرێت و کۆمەڵگەی نێودەڵەوتیش پێشوازیی لێ کرد.

لێدوانی فەرمی: بەدران چیا کورد، ڕاوێژکاری ئیدارەی خۆسەر بە ئاڤای ڕاگەیاند: سبەی هەینی شاندێکی بەڕێوەبەرایەتیی خۆسەر دەربارەی جێبەجێکردنی ئەو خاڵانەی لە ڕێککەوتنە هەشت خاڵییەکەی نێوان مەزڵووم عەبدی و ئەحمەد شەرع کراوە، دەچنە دیمەشق.

زانیاریی زیاتر: بە وتەی بەدران چیا، بەهیچ شێوەیەک سازش لەسەر داواکاریی لازمەرکەزییەت لە بەڕێوەبردنی سیستمی سیاسیی لە سووریادا ناکەن، ئەوە پێشنیازێکی چەسپاوە بۆ دانوستانەکانیان لەگەڵ دیمەشق. بۆیە کارنامەی گفتوگۆکان پەیوەندیی بە دامەزراوەکانی ئیدارەی خۆسەرەوە هەیە، لەوانە لایەنی خزمەتگوزاریی و ئابووری، سەرچاوەکانی وزە و دۆسیەی پەروەردە لە ناوچەکانی ڕۆژئاوای کوردستان.

 

گۆشەیەکی دیکەی دیمەنەکە: فەیسەل یوسف، وتەبێژی ئەنەکەسە بە ئاڤای ڕاگەیاند: کۆبوونەوەکەی شاندی بەڕێوەبەرایەتیی خۆسەر لەگەڵ حکومەتی سووریا، بۆ جێبەجێکردنی ڕێککەوتننامەکەی نێوان مەزڵووم عەبدی و ئەحمەد شەرعە، شاندەکە هیچ پەیوەندیی بە شاندی هاوبەشی کوردییەوە نییە کە بەم نزیکانە پێکدەهێنرێت و پێکەوە دەچنە دیمەشق.