وەرگرتنى گەنمى دەرەوەى پلانى کشتوکاڵى کەرکووک دەستپێدەکات

ئاڤا نیوز

نزیکەی 10 ڕۆژە وەرگرتنی گەنمی جووتیارانی کەرکووک لە چوارچێوەی پلانی کشتوکاڵی دەستیپێکردووە، لە ئەمڕۆوە ئەوەی دەرەوەی پلانی کشتوکاڵیش وەردەگیرێت.

وێنە گەورەکە: ئەمساڵ 850 هەزار دۆنم زەوی لە سنووری کەرکووک بە گەنم داچێنراوە، نزیکەی 600 هەزار تۆن گەنمی بنەتۆ بەهۆی وشکەساڵی و ڕێگری سوپا لە جووتیاران دانەچێنراوە، 300 هەزار دۆنم دەرەوەی پلانی كشتوکاڵییە و بڕێکی لێوەردەگیرێت.

لێدوانی فەرمی: محەممەد ئەحمەد، لێپرسراوی هۆبەی زەوی و زار لە کشتوکاڵی کەرکووک بە ئاڤای گوت، "ئەو جووتیارانەی گەنمەکەیان لە دەرەوەی پلانی کشتوکاڵییە دەتوانن نووسراوەکانیان پێشکەش بکەن، بۆ ئەوەی گەنم ببەنە سایلۆکان و لێیان وەربگیرێت."

ئەمەش بزانە: 300 هەزار دۆنم دەرەوەی پلانی كشتوکاڵییە و بەشێکی زۆری زەوییە دێمەکان بەرهەمیان نەبووە، بۆیە نزیکەی 100 هەزار دۆنمی زەوی بەراو گەنمەکەیان وەردەگیرێت، کە 85 هەزار تۆن گەنم دەکات."