وەزارەتی خوێندنی باڵا ژمارەیەک بڕیار بۆ خوێندن لە دەرەوەی وڵات دەردەکات

ئاڤا نیوز

وەزارەتی خوێندنی باڵا و توێژینەوەی زانستی لە پێناو بەرژەوەندی گشتی و گرنگیپێدان بە بڕوانەی باڵا گۆڕانکاری لە ڕێکارەکانی خوێندن لە دەرەوەی وڵات دەکات و بۆ ئەم مەبەستە ژمارەیەک بڕیار دەردەکات.

وێنە گەورەکە: لە پێناو گرنگیپێدانی زیاتر بە جۆرێتی خوێندن و بەرژەوەندی گشتی، تایبەت بەو کەسانەی کە دەیانەوێت لە دەرەوەی وڵات بڕوانامە بە دەست بهێنن، چەند بڕیارێک دەرچووە بۆ ئەو کەسانەی کە ئارەزووی بەدەستهێنانی بڕوانامەیان هەیە  و دەبێت پابەند بێت بە بڕیارەکان.

نووسراوی فەرمی: بە پێی نووسراوێکی وەزارەتی خوێندنی باڵا و توێژینەوەی زاستی کە ئاراستەی گشت زانکۆکانی حکومیی دەستەی کوردستان بۆ دیراسات و ئەنجوومەنی باڵای کوردستانی بۆ پسپۆڕییە پزیشكییەکان کراوە، پێویستە مامۆستا و کارمەندانی کەرتی گشتی و میلاکی وەزارەتی خوێندنی باڵا و فەرمانبەرانی وەزارەتەکانی دیکەی هەرێمی کوردستان و هاووڵاتی فەرمانبەرانی کەرتی تایبەت، ڕەچاوی ئەم خاڵانە بکەن کاتێک دەیانەوێت لە دەرەوەی وڵات بخوێنن بەمەبەستی بەدەستهێنانی بڕوانامەی باڵا.

- پێویستە مامۆستا و کارمەندانی کەرتی گشتی کاتێك دەیانەوێت بڕوانامەی باڵا لە دەرەوەت وڵای بەدەستبهێنن، ئەگەر لەچوارچێوەی بەرنامەکانی تواناسازی بێت، تەنیا دەتوانێت لەو زانکۆیانەی کە ڕانکیان لە نێوان 100 هەزار و یەک لیستی A شەنگەهای و 50 هەزار و یەک لیستی B تایمز هایپەر ئیجوکەیشن، بە پێی لیستی زانکۆ باوەرپێکراوەکانی وەزارەتمان بخوێنن.

- مامۆستا و کارمەندانی سەربە وەزارەتی خوێندنی باڵا ئەوانەی بە مۆڵەتی خوێندن دەیانەوێت لە دەرەوەی وڵات بخوێنن، دەتوانن لەو زانکۆیانەی ڕانکیان لە نێوان 100 هەزار و یەک لیستی A شەنگەهای و 60هەزار و یەک لیستی B تایمز هایپەر ئیجوکەیشن، بە پێی لیستی زانکۆ باوەڕپێکراوەکانی وەزارەتمان بخوێنن.

- "فەرمانبەرانی سەر بە وەزارەتەکانی دیکەی هەرێمی کوردستان تەنیا دەتوانن لەو زانکۆیانەی کە ڕانکیان لە نێوان 100 هەزار و یەک لیستی A شەنگەهای و 80 هەزار و یەک لیستی B تایمز هایپەر ئیجوکەیشن، بەپێی لیستی زانکۆ باوەڕپێکراوەکانی وەزارەتمان بخوێنن. ئەوانەی لەچوارچێوەی زەمالەی وڵاتانی دیکە کە وەزارەتمان قبوولی کردووە ئۆفەری فوڵ سکۆلەرشێپ وەردەگرن، ڕەچاوی لیستی زانکۆ باوەڕپێکراوەکانی وەزارەتمان ناکرێت".

- "هاووڵاتیان و کارمەندانی کەرتی تایبەت، ئەوانەی دەیانەوێت لەسەر خەرجی خۆیان بخوێنن و بڕوانامەی باڵا بەدەست بهێنن، دەتوانن لەهەر زانکۆیەک لە لیستی زانکۆ باوەڕپێکراوەکانی وەزارەتمان بخوێنن. ئەوانەی لە چواچێوەی زەمالەی حکومەتی فیدراڵی و لیژنەی باڵای پەرەپێدانی خوێندن لە عێراق وەردەگیرێن، ڕەچاوی ڕێنماییەکانی خودی زەمالەکە دەکرێت".