چاودێریی بازرگانیی سۆران فێڵی چێشتخانەیەک ئاشکرا دەکات

ئاڤا نیوز

بەڕێوەبەرایەتیی چاودێریی بازرگانیی سۆران، فێڵی چێشتخانەیەکی ئاشکرا کرد کە هەوڵی فریودانی هاونیشتمانیانی دەدا بە بەکارهێنانی تیروپشک.

چیرۆکی سەرەکی: چێشتخانەیەک لە سەنتەری ئیدارەی سەربەخۆی سۆران، نزیکەی سێ ساڵە بانگهێشتی ئەوە دەکات، هەر کەسێک پیتزایەک لەو چێشتخانەیە بکڕێت، ناوی دەچێتە تیروپشکی بردنەوەی ئۆتۆمبێلێکی سفر کیلۆمەتر کەچی نە ئۆتۆمبێلەکە دیار بووە و نە وادەی ڕاکێشانی تیروپشک.

لێدوانی فەرمی: وەفا سەعیدخان دۆلەمەری، سەرۆکی لیژنەی پشکنین و چاودێری بازاڕ لە بەڕێوەبەرایەتیی چاودێریی بازرگانیی سۆران بە ئاڤای گوت، دوای ئاشکرا کردنی ئەم فێڵە، بەڵێننامە بە خاوەنی چێشتخانەکە پڕکرایەوە و دەبێت لە 1-9-2025 تیروپشکی دەرچوونی ئۆتۆمبێلێکی سفر کیلۆمەتر، مۆدێل 2021 یان بەرزتر ڕابکیشێت، بۆ ئەو کەسانەی پیتزایان لەو چێشتخانەیە کڕیوە.

- هەر چێشتخانە و مارکێتێک تیروپشک بکات، دەبێت پێشوەختە فۆرمێکی تایبەت لە چاودێریی بازرگانی پڕبکاتەوە، ماوەی تیروپشکەکەش دیاری کراو بێت بەمەرجێک لە ساڵێک زیاتر نەبێت.