یەدەگی نەختینەیی بانکی ناوەندیی عێراق 110 ملیار دۆلاری تێپەڕاند

ئاڤا نیوز

 

سەرەڕای سزاکانی ئەمریکا بۆ سەر بەشێک لە بانکە عێراقییەکان، یەدەگی نەختینەیی  بانکی ناوەندیی عێراق 110 ملیار دۆلاری تێپەڕاند. 

 

لێدوانی فەرمی: عەمار خەلەف، جێگری پارێزگاری بانکی ناوەندیی عێراق دەڵێت: یەدەگی نەختێنەیی عێراق 110 ملیار دۆلاری تێپەڕاندووە، ئەو بانکانەشی کە سزادرابوون، لەگەڵ وەزارەتی گەنجینەی ئەمریکا لە پەیوەندیدان بۆ هەڵگرتنی سزاکان.

 

لەلایەکی دیکەوە: بانکی ناوەندیی عێراق زانیاری نییە لەسەر ئەوەی کە بانکی نوێ لە عێراق لەلایەن وەزارەتی گەنجینەی ئەمریکاوە سزایان بخرێتە سەر، بەڵام ئەو بانکانەی کە سزادراون لەگەڵ وەزارەتی گەنجینەی ئەمریکا لە پەیوەندیدان بۆ هەڵگرتنی سزاکان.

 

وێنە گەورەکە: ئەمە لەکاتێکدایە کە کۆبوونەوەکان لەگەڵ بانکی فیدراڵی و وەزارەتی گەنجینەی ئەمریکا بەردەوامن بۆ ناردنی دۆلار بۆ عێراق، واشنتن پێداویستییەکانی عێراق بۆ دراوی قورس جێبەجێ دەکات.