ئیسرائیل باشووری بەیرووت بۆردوومان دەکات

ئاڤا نیوز

 

دوای ماوەیەکی کەم لە هەڕەشەکان، ئیسرائیل بەچڕی 13 پێگەی جیاوازی لە باشووری بەیرووت بۆردوومان کرد. 

 

چیرۆکی سەرەکی: ئەم هەڕەشانەی ئیسرائیل لە کاتێکدان کە ئیسرائیل و لوبنان ڕێککەوتننامەی ئاگربەست لە نێوانیاندا هەیە و بە گوێرەی ڕێککەوتنەکە نابێ هیچ لایەک هێرش بکاتە سەر ئەوی دیکە.

ڕاگەیێنراوی فەرمی: سوپای ئیسرائیل ڕایگەیاند چەند ناوچەیەکی باشووری بەیرووتی پایتەختی لوبنان دەکاتە ئامانج، بۆیە هۆشداری داوە بە دانیشتوانی ئەو ناوچانە ماڵەکانیان بە جێبهێڵن.

 

- ئیسرائیل دەڵێت حیزبوڵڵای لوبنانی بە پارەی ئێران لە ژێر زەوی ئەو ناوچانە سەرقاڵی درووستکردنی درۆنە، بۆیە ئەویش دەیانکاتە ئامانج. 

زانیاریی زیاتر: دوای ئەم هۆشدارییەی سوپای ئیسرائیل هەزاران کەس ئاوارەبوون و ماڵ و حاڵی خۆیان بەجێهێشت.